Fel y brîd o wartheg cynhenid Cymreig, mae cefndir Gwartheg Duon Cymru yn dra hanesyddol – ystyriwyd y gwartheg hyn am genedlaethau fel yr eiddo mwyaf gwerthfawr sydd yr un mor gartrefol ar ucheldiroedd creigiog neu wastadedd toreithiog.

Ond mae gan y brîd gwydn hwn, sy’n darparu cig a llaeth o ansawdd da, lawer i gynnig i systemau amaethu cyfoes, o gofio’u cynnyrch didrafferth a blasusrwydd cydnabyddedig y cig.

Am gan mlynedd, bu Cymdeithas y Gwartheg Duon Cymreig yn meithrin, hybu ac yn gwella’r brîd, a deil i wneud hynny yn ddiwyro.

Drwy’r wefan hon, medrwch ddarganfod mwy am y gwartheg rhyfeddol hyn, y cyfeiriwyd atynt ar un adeg fel ‘Yr Aur Du’, yn ogystal â gweithgareddau Cymdeithas y Gwartheg Duon Cymreig.